Mae Llywodraeth Cymru yn ariannu pedwar o Gydlynwyr Cynlluniau Teithio ar draws Cymru i’ch cefnogi drwy bob cam o’r broses o ysgrifennu a gweithredu Cynllun Teithio.

Mae’r tîm yn gweithio gyda busnesau a sefydliadau eraill ac yn gweld rhai enghreifftiau da iawn o newid mewn ymddygiad o ran teithio.

Does dim gwahaniaeth beth yw maint eich sefydliad, mae’r tîm yn barod i’ch helpu a’ch cefnogi. Dyma rai o’r manteision y mae sefydliadau sydd eisoes yn gweithio gyda’r tîm wedi’u gweld:

• Gostyngiad yn nifer y ceir â’r gyrrwr yn unig ynddynt sy’n cyrraedd y safle – sy’n achosi llai o dagfeydd
• Mwy o bobl yn rhannu ceir
• Gweithwyr mwy heini ac egnïol
• Lefelau is o salwch
• Lefelau is o drosiant staff
• Gwell mynediad i’r safle
• Arbedion cost.
  
  

Yn ogystal, gall Cynlluniau Teithio ddarparu tystiolaeth werthfawr wrth geisio ennill Gwobrau a chyrraedd Safonau eraill, megis:

• Y Safon Iechyd Corfforaethol (dros 50 o staff)
• Gwobrau Iechyd ar gyfer gweithleoedd bach (dan 50 o staff)
• Buddsoddwyr mewn Pobl
• Y Ddraig Werdd / ISO140001
• Safon PAS500:2008 y Sefydliad Safonau Prydeinig
  
  

Dolenni defnyddiol:

Y Safon Iechyd Corfforaethol
Buddsoddwyr mewn Pobl
Groundwork Cymru

Mae’r ddwy fenter newydd ganlynol ar gael erbyn hyn i sefydliadau ledled Cymru:

Hyfforddiant Teithio Doeth

Mae’r pecyn hyfforddiant dibynadwy hwn, sydd wedi’i deilwra, ar gael yn rhad ac am ddim i bob busnes a sefydliad ar draws Cymru.
Gan weithio gyda’i bartneriaid – Traveline Cymru, Sustrans a darparwyr lleol – bydd y Tîm Cynlluniau Teithio Rhanbarthol yn darparu sesiynau hyfforddiant i grwp o unigolion a fydd yna’n gallu bod yn hyrwyddwyr teithio cynaliadwy i’w sefydliad. Bydd yr hyrwyddwyr hynny’n bobl gyswllt ar gyfer gweithwyr/myfyrwyr/ymwelwyr, neu unrhyw bobl eraill y mae angen iddynt wneud dewisiadau ynghylch teithio mewn sefydliad.

Cliciwch yma i gael rhagor o wybodaeth.

Gwobrau Cynlluniau Teithio Cymru

Cynllun gwobrwyo a chydnabod sy’n dathlu cyflawniadau sefydliadau yw Gwobrau Cynlluniau Teithio Cymru. Mae llawer o sefydliadau yng Nghymru yn arwain y ffordd gyda’u dull cynaliadwy o ymdrin â theithio a defnyddio trafnidiaeth yn eu sefydliad. Mae llawer ohonynt o’r farn bod gweithredu Cynllun Teithio yn rhan o’u cyfrifoldeb cymdeithasol corfforaethol.

Cliciwch yma i gael rhagor o wybodaeth neu cysylltwch â’ch Cydlynydd Cynlluniau Teithio Rhanbarthol yn activetravel@wales.gsi.gov.uk

Fforymau a rhwydweithiau

Mae nifer o fforymau a rhwydweithiau Cynlluniau Teithio ar gael yng Nghymru y byddech efallai’n hoffi eu mynychu, neu os nad oes un ar gael yn eich ardal efallai yr hoffech gynnal un. Cysylltwch â’ch Cydlynydd Cynlluniau Teithio Rhanbarthol i gael rhagor o fanylion a gwybodaeth am y cynnyrch a’r gwasanaethau eraill sydd ar gael.

Os oes gennych eich fforwm neu’ch rhwydwaith eich hun ac y byddech yn hoffi i un o’r Cydlynwyr Cynlluniau Teithio Rhanbarthol ei fynychu, mae croeso i chi ein gwahodd iddo.

Pwy y mae’r Cydlynwyr Cynlluniau Teithio Rhanbarthol eisoes yn cydweithio â nhw?

Dyma rai o’r sefydliadau yng Nghymru sydd eisoes yn gweithio gyda’r Cydlynwyr Cynlluniau Teithio ac sy’n gweld y manteision.

• Y GIG yng Nghymru
• DVLA
• Virgin Media
• Y Gofrestrfa Tir
• Airbus ym Mrychdwn
• Prifysgolion a cholegau addysg uwch/addysg bellach
• Y Ganolfan Byd Gwaith
• Working Links
• Heddlu Dyfed-Powys
• Admiral Group
• Gwasanaeth Ambiwlans De Cymru
• Stadiwm Liberty
• Y Swyddfa Eiddo Deallusol
• International Rectifier
• PHS Group
• Farmers Boy (rhan o Morrisons)